شعر ازهـــــيري

لو ناشدوك الولف عن دارنا دلهم
من فاركوني ومشوا مُر الصبر دلهم
الدهر بأهل الغلا دار وجفا دلهم
وهدم منازل بَنوه بجد لك كلمة غيرها لان هذه الكلمة محظورةرَم وجُودي
أطوي الفيافي أدوَر بصُحبتي جودي
والله إن شَح ألرجاء وماهم بالوجودي
أبجي عليهم دمع مُزن الشتا لودلهم
كرّب حبيبي الجدم صدكني الك حنـّيت
كلبي لجل رقـّتك خلاني بخجل حنـّيت
ليلة وْمثل العسل وبمعــســـلك حنـّيت
خدّ وْشفايف بست بس ماكلتــلي دبس
بس خان بية العسل ثاريني ضكت الدبس
رغماً على ماجرى ضلـّينة دهن وْدبس
نتسامر اعْلى الهوى وقياس حبنة على
حبّ وْحنان وْدفو وشلون مــــا يعلى
ومكدّر اعْلى الحسن فوكـ الحسن تعلى
والصار ميصير الك لوما الك حنـّيت
ماعاد ينفع بعد والعمر خلص يدر

وهم كلبي صاير شته كلساع غيمه يدر

ياحيف لمن طحت وجه الاوده يدر



مجد لك كلمة غيرها لان هذه الكلمة محظورةور جنح ورجل لابيه امشي لطر

وبكلبي صاحب ترك رمح الخيانه لطر

ولناي ماضل بعد يامن تضنه لطر



لئن انه صرت الحزن ونعزف بيه لحن

وسهام ربعي عدل بجتافي كلهن لحن

ماشفت واحد ذكر لاكلبه حاسب لحن



نكوني وانه الصرت سلم صعدهم قمم

ومن هدني حيل الدهر صاحولي كلهم قمم

بركان حقد وكر حاطوني داير قمم



ولهل سبب ياخلك ماريد منهم وصل

لني اعرفتهم تره كلهم عكارب وصل

مابيهم الغيرته شايله عنده وصل



وللاه يبقى الحمد جي بلخلك بانهم

من طين اسود صبه رب الخلك بانهم

در انه متغيرت طين وعشت بانهم

وبطين لاوالحسن هيهات تكلب يدر